Planetaki Planet BIBLIOTECAS ESCOLARES GALEGAS - INFANTIL E PRIMARIA

CARNÉS ELECTRÓNICOS

2012-02-11T06:01:01Z

Seguimos modernizándonos. Onte comezamos o préstamo de materiais co carné electrónico. Os axudantes da biblioteca están moi contentos coa novidade.

As familias que queiran solicitar un poden facelo dende agora.

VISITA DO CLUB DE FÚTBOL SALA

2012-02-11T02:45:38Z

Por segundo ano consecutivo tivemos o gusto de recibir a visita do C.D. Burela F.S., a través da actividade "Coñece o meu Club" dentro do programa "Xogade" (Xogos Galegos Deportivos en Idade Escolar), ao que o noso cole está inscrito.

O venres 20 de xaneiro disfrutaron dunha sesión práctica de fútbol sala os nenos e nenas do 2º ciclo, dirixida por Neco e na que colaboraron Jozi, Lidia, Maite e Cely.

E o luns 23 de xaneiro tocoulles ao alumnado de 5º e 6º, a sesión foi dirixida por Kike e colaboraron Rosana, Bebeto e Víctor.

Pasámolo moi ben e esperamos poder seguir contando con este tipo de actividades.

Moitas gracias a este fantástico Club e ao seu responsable, Alfonso Mera Río.

Ánimo e moita sorte para esta temporada!!!

A CERDEIRA EN SEXTO

2012-02-11T01:49:39Z

Comezamos o noso Proxecto Documental deste curso, O Planeta Bosque, e por invitación de Frianciño Jones, en sexto de Primaria, seredes os investigadores dunha fermosa historia que trata sobre a Cerdeira.

Agora tócavos investigar e facer lectura desta presentación para facilitarlle o traballo a nosa mascota.

A CEIBA EN QUINTO

2012-02-11T01:49:39Z

Comezamos o noso Proxecto Documental deste curso, O Planeta Bosque, e por invitación de Frianciño Jones, en quinto de Primaria, seredes os investigadores dunha fermosa historia que trata sobre a Ceiba.

Agora tócavos investigar e facer lectura desta presentación para facilitarlle o traballo a nosa mascota.

Facemos ORELLAS DE ENTROIDO

2012-02-10T22:10:53Z

orellas de entroido 3 anos - presentacion imagenes

Esta semana fixemos un taller de cociña!!

Para festexar o Entroido cociñamos orellas. Foi moi interesante usar todos os nosos sentidos para dar forma a un postre típico do Entroido. Despois do traballo comémolas todas!! Estaban moi boas!! por iso o mércores a merenda foi de volta para casa!!

Grazas profe Ángela por ensinarnos a facer orellas de Entroido!!

Mirade a presentación e o vídeo do proceso...

O Entroido é especial, é máxico!!

O GRANADO PARA CUARTO

2012-02-11T01:49:39Z

Comezamos o noso Proxecto Documental deste curso, O Planeta Bosque, e por invitación de Frianciño Jones, en cuarto de Primaria, seredes os investigadores dunha fermosa historia que trata sobre o Granado.

Agora tócavos investigar e facer lectura desta presentación para facilitarlle o traballo a nosa mascota.

O CASTIÑEIRO EN TERCEIRO

2012-02-11T01:49:39Z

Comezamos o noso Proxecto Documental deste curso, O Planeta Bosque, e por invitación de Frianciño Jones, en terceiro de Primaria, seredes os investigadores dunha fermosa historia que trata sobre o Castiñeiro.

Agora tócavos investigar e facer lectura desta presentación para facilitarlle o traballo a nosa mascota.

A PALMEIRA NO PRIMEIRO CICLO

2012-02-11T01:49:39Z

Comezamos o noso Proxecto Documental deste curso, O Planeta Bosque, e por invitación de Frianciño Jones, neste primeiro ciclo, seredes os investigadores dunha fermosa historia que trata sobre a Palmeira.

Agora tócavos investigar e facer lectura desta presentación para facilitarlle o traballo a nosa mascota.

Un entroido cheo de mar.

2012-02-11T03:02:57Z

Este ano o mar chegou ao colexio para a festa do entroido (e iso que aínda non se abriu Mos ao mar) Para a ocasión invitamos a personaxes variados.

Por este motivo na entrada do centro chegou un buzo moi xeitoso moi "desposto" a ser queimado, o venres na fogueira. Este buzo especial ven cargado de mandas para cada día da semana, para que tod@s veñan ca indumentaria axeitada ao entorno mariño.

Animádevos a participar!

O MECO Manda....

2012-02-10T21:20:44Z

Para o luns....
ide ao blog do cole clicando no noso Meco ANTORCHO e alí lembrarédelo:

Boas novas 1: Humor e cerebro feliz

2012-02-10T23:47:20Z

Imos inaugurar hoxe unha nova sección que tentaremos manter tódalas fins de semana: trataremos de ofrecervos cada semana unha boa nova. Porque se producen tódolos días descubrimentos, sucesos, pasos adiante... que fan que vivamos máis felices. Por que a carón de toda esa sarta de despropósitos que vemos nos telexornais, milleiros de cidadáns en todo o mundo traballamos para avanzar, para vivir nun MUNDO MELLOR.
Pensamos que é necesario pois, cada vez con máis frecuencia e mesmo sen decatarnos, poñemos a mirada só nas cousas negativas de canto vai/nos vai sucedendo. E precisamos manter unha certa dose de optimismo: en nós mesmos e na Humanidade.
Inauguramos hoxe esta sección co estudo levado a cabo pola catedrática de Bioquímica da Universidade de Navarra Natalia López Moratalla e presentado este luns no XL Seminario de Centros Educativos desa universidade.
No seu estudo, a profesora explica o mecanismo cerebral que nos fai rir, concluíndo que a risa é convivencia: "Las personas que nos hacen reír nos hacen felices no tanto porque nos hacen pasar un buen rato, sino porque en el fondo, cuando nos reímos, aunque las cosas estén muy negras, todo se relativiza un poco y eso nos fortalece mucho el cuerpo también"

AQUI un artigo que explica o mecanismo
Conclusión: rir, modifica o noso cerebro, fortalece o carazón e xenera respostas físicas positivas.
Pois... Alá! A rir toda a fin de semana!

COMEZA A TROULA!!!

2012-02-10T21:26:27Z

Comeza a festa do entroido así que vai a primeira orde da semana:

se a troula queres comezar,

as uñas de cores deberás pintar.

NOVO NOTICIEIRO ECOLÓXICO

2012-02-11T01:49:39Z

Durante estes días os alumnos e alumnas de 4ºB foron recopilando información e novas sobre a enerxía, os parques eólicos, as brigadas de limpeza dos nosos ríos e crearon dous murais moi interesantes.

Grazas por amosarnos tanta información !

Recomendación semanal: iníciate ao xadrez

2012-02-10T20:13:05Z

Esta semana a recomendación coincide cos libros que están expostos á entrada da biblioteca. O tema elexido é o xadrez.
Preguntaredes o porqué desta recomendación, pois ben, por un lado o xadrez é un deporte que aporta uns grandes beneficios para o desenvolvemento da intelixencia dos nenos e nenas; por outro lado, o profe Esteban vai levar a cabo un "proxecto piloto" cos alumnos do 2º ciclo de Primaria. Como alternativa ao recreo tradicional Esteban organizará -a partir do luns- un campionato de xadrez.
Esperemos que esta iniciativa teña continuidade e sexa todo un éxito.

UN VENRES DE CONTO COA LÚA, EN PRIMEIRO A

2012-02-11T01:49:39Z

Os nenos e nenas de 1ºA fannos unha presentación dun dos contos que máis lle gustou na semana da Paz: A que sabe a lúa? de Michael Greiniec editado por Kalandraka.

Os rapaces e rapazas realizaron un panel co título do libro e a medida que van narrando a historia, van aparecendo os animais.

BIBLIOXOGOS DA PAZ

2012-02-10T18:59:57Z

O equipo de biblioteca do CEIP de Aguiño, presentámosvos os nosos biblioxogos da paz, un para educación infantil e outro para educación primaria.
Agardamos que vos gusten e sirvan para traballar durante todo o ano, porque a paz non é cousa dun día.

CADERNOS DE BITÁCORA

2012-02-10T12:00:08Z

Aquí vos deixo os vosos traballiños da Mochila Viaxeira desta semana!

Ver álbum completo

Xa sabes… lémonos!

LEO

2012-02-10T12:58:12Z

Os nosos rapaces e rapazas de 2º están traballando nun PROXECTO DOCUMENTAL SOBRE AS AVES DO BOSQUE. A nosa Rosiña, desde a biblioteca, deixoulles moitos libros sobre os paxaros pero ahora tamén quere recuperar para eles unhas curtametraxes de Disney que de seguro lles van a encantar.

Trátase de dúas curtametraxes animadas da colección Silly Symphonies producida por Walt Disney entre 1929 e 1939.

A primeira curta está en blanco e negro e é do ano 1931 e titúlase "Paxaros de diferente plumaxe".

Na 2ª curta xa se introduxo a cor. É de 1933 e titúlase "Paxaros en primavera".

E para rematar un video máis. Este xa é mais moderno, do ano 2000, pero tamén é de Disney, en concreto de Disney Pixar. Titulase "Para las aves". De seguro, vois ides rir moito con el.

ESPERAMOS QUE VOS GUSTEN!!!

Espazos de lectura informal, outra forma de crear ambientes lectores no centro.

2012-02-10T16:02:08Z

Á hora de tranformar a biblioteca no centro de recursos de lectura, información e aprendizaxe, unha das primeiras accións é a de redistribuír os espazos e crear zonas para as distintas actividades que se poden levar a cabo na biblioteca. Cómpre estudar as posibilidades da superficie dispoñible e, cando non é moita, ver de aproveitala ao máximo e non renunciar a ningunha das zonas (lectura informal, lectura individual, traballo en pequeno grupo, gran grupo, zona de ordenadores, recuncho audiovisual para uso autónomo, exposición de novidades, zona de xestión, préstamo e atención a usuari@s, taboeiro informativo, recuncho de lectura en voz alta ou de presentación de traballos, recitais, etc.), aínda que sexa gañando "terreo colindante": corredores, zonas de paso, recunchos infrautilizados.... Cando a biblioteca dispón dun espazo amplo (coma neste caso, o CPI Manuel Suárez Marquier, de O Rosal, Pontevedra) o deseño das distintas zonas (en función tamén dos recursos dispoñibles), é esencial. Así o están facendo en moitas das bibliotecas escolares galegas, que están a innovar non só os espazos senón, especialmente, as actividades que se levan a cabo nelas e os servizos que ofrecen ás súas comunidades educativas. Estas actuacións permiten a creación de espazos atractivos, onde se pon en valor a lectura en toda a súa extensión, e o encontro "amable" cos recursos culturais e o coñecemento. Non se trata dun luxo senón dun dereito, o dereito á educación de calidade. Un bo exemplo é esta imaxe da zona de lectura informal na biblioteca do CPI Manuel Suárez Marquier.

VÍDEO: BIBLIOTECAS ESCOLARES GALEGAS

PREGUNTAS SOBRE O ENTROIDO

2012-02-10T13:04:32Z

Que tes aprendido sobre o Entroido nestes días? Podes comprobalo respondendo a estas custións sobre o tema.
Moita sorte

Pensando en ti...

2012-02-10T03:28:33Z

Entre a Candeloria e o día dos enamorados o centro está cheo de corazóns: semella que os días fríos están a piques de rematar.
Grazas a "Cuentamundos" achegámonos a este preciosísimo video. Gozade del.

Pallaseando

2012-02-10T00:50:44Z

Dicía que estamos a traballar arreo, e é verdade, pero desta vez a traballar chamámoslle PALLASEAR, porque é un traballo con risas, un traballo de pallasos.
Hoxe andivemos a procura de libros de disfraces e de maquillaxe, pedímosllos prestados a biblioteca e estamos a "estudialos".
Iago fixo un descubremento:
- Profe, son libros do 7, porque pintar a cara é como pintar un cadro, verdade?
Verdade, pero mira ti por onde, que eu andaba a teimar porqué na CDU poñía 7, e agora gracias a Iago xa o sei.
Vestímonos de pallasos para "contextualizar" e fártamonos de berrar:

-AAUUUUUUUHHH!!! como Charlie Rivel.

E xogamos cun xogo novo:

NON LLO CONTEDES A NINGUÉN!

2012-02-10T01:39:31Z

Vou contarvos un segredo: hoxe, cando ía paseando polo cole, atopei algo moi chulo nun recuncho. Alí, escondidiño, estaba isto:

Sabedes o que é? (SShhhhh..., non llo digades a ninguén!!)

DÍA DA PAZ: 30 de xaneiro de 2012

2012-02-10T02:29:06Z

A slideshow by Smilebox

DOUSCENTOS ANOS DO NACEMENTO DE DICKENS

2012-02-10T02:01:44Z

Charles John Huffan Dickens (1812-1870), mais coñecido coma Charles Dickens, foi un famoso novelista inglés e o principal autor do que na literatura inglesa chamamos “a era victoriana”. Escribía con gran maestría, gustáballe moito describir xentes e lugares (moitos deles imaxinarios) e empregar o humor, a ironía e a crítica social nas súas historias.

Empezou a estudiar aos nove anos e sempre foi un lector voraz. Lía moitas novelas picarescas e de aventuras coma Don Quijote de la Mancha ou Robinson Crusoe. O seu escritor favorito era Henry Fielding (un autor moi divertido que vos recomendo ler cando sexades un pouco maiores).

Aquí tedes unha pequeña animación sobre a vida de Charles Dickens.

DATOS CURIOSOS

O pai de Dickens foi encarcelado por impago de débedas, a maior parte da familia tivo que ir vivir co proxenitor ao cárcere (daquela era habitual). Dickens foi acollido nunha casa e non tivo que vivir no cárcere, pero ía a miúdo de visita.

Aos doce anos comezou a traballar nunha fábrica de betún cerca de Charing Cross, Londres. Co que gañaba pagaba a pensión e axudaba á familia. Na época da revolución industrial en Inglaterra os nenos eran man de obra barata, deixovos o enlace dun vídeo para que vos fagades unha idea das condicións tan duras e deplorables nas que traballaban estes pequenos. Child Labour in the Victorian England. http://youtu.be/kKcFDUDlRCE

As condicións deplorables de traballo das clases proletarias son unha constante nas súas novelas. Podedes ler David Copperfield por exemplo (hai versións para nenos).

Traballou de pasante, taquígrafo xudicial, reporteiro, xornalista político…

Casou con Catherine Thompson Hogarth no 1836 e tiveron dez fillos.

Entre o 1837 e o 1838 publicou Oliver Twist, unha das súas novelas mais importantes e coñecidas. Por aquel entonces era habitual publicar as novelas por entregas pois non todo o mundo tiña diñeiro para mercar libros.

No 1842 xa tiña un gran prestixio coma escritor. Foi entón cando viaxou aos Estados Unidos onde foi rexeitado pola súa novela Notas de América e porque nas súas conferencias posicionábase abertamente en contra da esclavitude, que naquel momento era legal. (O presidente Abraham Lincoln finalmente liberou aos esclavos en Norteamérica no 1863)

Coñeceu en persoa a Alejandro Dumas e a Julio Verne.

Fundou o Daily News.

Daba conferencias sobre os dereitos de autor, defensa das prostitutas e a condena da pena de norte, que era toda unha diversión para o pobo londinense naquel tempo. (As últimas execucións en Gran Bretaña datan do 1969 pero, sabíades que a pena de norte se mantivo no Código ata o 1998?)