Planetaki Planet Equipos de Normalización e Dinamización Lingüística

Club de debate, unha iniciativa conxunta de 13 SNL para favorecer o uso oral da lingua na mocidade

2012-02-09T14:34:11Z

Os servizos de normalización lingüística (SNL) de 13 concellos organizan o Club de debate, un certame dirixido a alumnado de 3.º e 4.º de ESO e 1.º de Bacharelato para procurar favorecer o emprego do galego na mocidade en contextos formais, incentivar o pensamento crítico e o intercambio de opinións e afondar na fluidez comunicativa

do desexo en corpo e sombra

2012-02-09T14:39:26Z

Na procura de máis poemas de amor para o próximo 14 batín con este libro que non coñecía de Miguel Anxo Fernán-Vello: do desexo en corpo e sombra publicado no ano 84 polo Concello de Vigo con ilustracións de F. Mantecon e que foi merecente do premio Celso Emilio Ferreiro no ano 83.
Gustoume o poemario, onde amor e erotismo van da man, sen grandes espaventos pero con moita fondura.

Ás veces un non sabe que o desexo é un silencio
que nos medra na boca
como unha sede lenta e amorosa de beixos

Ás veces um non sabe por que nos doen as cousas
que queremos co corpo
coa pel
coa soidade dos dedos
coa palabra caída

dentro da voz calada

Morremos lentamente desde o desexo íntimo
de amar

Morremos desde os ollos
desde a carne sen céu
como as nubes da tarde que se morren sen luz

Morremos en silencio
e só fica o amor
e o desexo

Premios de poesía, relato curto e traducción literaria 2012

2012-02-09T15:46:43Z

A Universidade de Vigo, a través da Área de Normalización Lingüística, e co patrocinio da Secretaría Xeral de Política Lingüística, convoca os Premios de poesía, relato curto e tradución literaria para o ano 2012.

Resolución reitoral do 6 de febreiro de 2012 pola que se convocan os premios de poesía, relato curto e traducción literaria da Universidade de Vigo.

Pola galeguización da sanidade

2012-02-09T13:03:42Z

Con este obxectivo constituíuse a Irmandade da Sanidade Galega (I.S.A.G.A.) o pasado día 29 de outubro na Estrada. Esta nova Irmandade pretende galeguizar o ámbito sanitario, público e privado. No acto fundacional participaron un amplo número de profesionais do sector: médicos, enfermeiros, persoal de servizos, administrativos, persoal docente, etc… que formalizaron publicamente o seu compromiso [...]

Club de debate, unha iniciativa conxunta de 13 SNL para favorecer o uso oral da lingua na mocidade

2012-02-09T12:15:12Z

A Fundación Luís Seoane acolle unha exposición sobre Valentín Paz-Andrade

2012-02-09T10:56:55Z

Valentín Paz-Andrade. Galiza como tarefa divídese en 25 seccións, ordenadas na súa maior parte cronolóxicamente, nas que o espectador atopará documentos orixinais, fotografías da época, mapas, debuxos, maquetas, diferentes obras de arte e documentos audiovisuais: un percorrido exhaustivo pola biografía, a creación, o compromiso e o inmenso esforzo de Valentín Paz-Andrade por reivindicar Galicia como nación, cultural e económica, e dotala dos medios e instrumentos necesarios para superar un atraso de séculos que impedía o seu desenvolvemento completo e o seu posicionamiento como enclave estratéxico dentro do espectro económico do século XX.

A RAG e Cultura desenvolverán accións conxuntas neste 2012

2012-02-09T10:56:55Z

A Real Academia Galega (RAG) acolleu a visita institucional do conselleiro de Cultura e do secretario xeral de Cultura. Ambos os dous foron recibidos na sede da entidade polo presidente da RAG, Xosé Luís Méndez Ferrín, polo seu secretario, Xosé Luís Axeitos; polo tesoureiro, Manuel González González; polo vicesecretario, Francisco Fernández Rei; e polo arquiveiro-bibliotecario, Euloxio Rodríguez Ruibal.

Contaminación, dieta ou seca, factores propiciatorios da asma

2012-02-09T12:15:59Z

Subliñado na III Xornada sobre Saúde Infantil e Medio Ambiente.

Cartos a esgalla

2012-02-09T11:01:31Z

O novo Secretario Xeral de Política Lingüística, Valentín García, vén de estrearse no Parlamento. Na crónica de Praza Pública sobre o asunto recollo a reflexión de Valentín quen, tendo en conta como está a situación económica dos concellos, os Servizos de Normalización Lingüística (SNL) dos mesmos só se poderían manter "metendo cartos a esgalla pola porta para adentro".

O pozo sen fondo que pode facer tremer os orzamentos da Xunta por adicarllo a tapar os gastos dos SNL dos concellos podemos consultalo neste documento da CTNL. Hai 520.000 € para repartir en dous anos (2011-2012) polo que o presuposto para o presente exercicio é de 260.000 €.

260.000 € é aproximadamente o mesmo que recibiu da Xunta o Faro de Vigo o ano pasado.. Dúas veces e media esa cantidade foron para La Voz de Galicia. Pola contra a Radiofusión non chegou nin un céntimo, e iso que, para summum do disparate, na convocatoria destas subvencións, no artigo 2, aparece, textualmente:

Poderán solicitar as axudas obxecto destas bases as empresas que publiquen ou difundan informacións, programas, artigos, reportaxes, colaboracións ou seccións orientadas a alentar a defensa da identidade de Galicia, a promoción dos seus valores, a normalización da lingua e a difusión da súa cultura. Na súa produción informativa deberá ter un especial protagonismo o idioma galego.

Non vou remexer no protagonismo que estes medios lle ofrecen ao galego, nin á defensa da identidade de Galicia. Iso é evidente acotío. Só vou aportar unha cifra para clarificar cal é a realidade e facer abrollar a mentira de Valentín García na súa verdadeira dimensión. O mellor estudo, polo menos que eu teña coñecemento, sobre o uso das linguas nos medios, é A lingua das novas, coordinado por Túñez López e por López García. Á altura do ano 2004 a porcentaxe de informacións redactadas en galego nos xornais podíase cifrar nun 3,67%. Para maior escarnio, todo o mundo sabe que a situación da presenza do galego nos medios non fixo outra cousa que empeorar nestes últimos anos, e as directrices marcadas pola política lingüística da Xunta teñen unha clara responsabilidade nesta desfeita.
Cartos a esgalla, efectivamente, pero como sempre, para o castelán.